Հայաստանի վաստակավոր կոլեկտիվ, լեգենդար «Բերդ» պարային անսամբլը հոկտեմբերի 20-ին և 21-ին Օպերայի և բալետի ազգային ակադեմիական թատրոնում նշելու է անսամբլի գեղարվեստական ղեկավար, Հայաստանի Հանրապետության մշակույթի վաստակավոր գործիչ, պարաստեղծ-բեմադրիչ Կարեն Գևորգյանի ծննդյան 60 և ստեղծագործական գործունեության 40-ամյա հոբելյանները։

Հայկական պարերի նոր հրավառություն՝ նոր բեմադրություններով, հայ պարի վարպետ Կարեն Գևորգյանի հետ։

Հանդիսատեսի տարիքային շեմը խստորեն հսկվելու է․ 

Սկիզբը՝ 19:00:

Փառահեղ սառցե շոուի պրեմիերա Երևանում՝ սառցե բեմահարթակի կախարդական մթնոլորտում

2025 թվականի դեկտեմբերի 20-ին և 21-ին ժամը 19.00-ին Երևանի «Գազպրոմ Արմենիա» ՓԲԸ մարզահամալիրի փակ սահադաշտում տեղի կունենա նոր սառցե շոուի պրեմիերա: Ամանորի հեքիաթային նախատոնական արկածի հիմքում Արցախի հերոս, «Ոսկե արծիվ» շքանշանի ասպետ Ալեն Մարգարյանի չքնաղ հեքիաթն է: Ալենի անունը շարունակում է ապրել և լայնորեն հայտնի է Հայաստանում, որտեղ ի պատիվ նրա հիշատակի իրագործվում են բազմաթիվ մշակութային և կրթական ծրագրեր ու նախագծեր:

«Նոր հրաշքի նախօրեին» սառցե ներկայացումը Հայաստանի երեխաների և պատանիների նոր սերնդի համար է: Այն հիանալի գեղասահքի, շքեղ բեմական զգեստների և աներևակայելի գեղեցիկ երաժշտության համադրություն է: 

Կհնչեն հռչակավոր կոմպոզիտորների հայտնի գործեր, սիրված սաունդթրեքներ մուլտֆիլմերից և կինոնկարներից: Ամանորյա հրաշքի մասին նոր հեքիաթն ուղեկցում են Պ.Ի. Չայկովսկու, Ռ. Վագների, է. Կռիլատովի, Ռ. Պաուլսի, Ա. Գրիգորյանի, Մ. Դունաևսկու և այլոց երաժշտական գլուխգործոցները: Ամբողջ ընտանիքի բերկրանքը երաշխավորված է:

Հայ մշակույթի մեջ առաջին անգամ հայ հեղինակի ամանորյա պատմությունը կվերածվի սառույցի վրա գունեղ շոուի: Ալենի ստեղծած՝ Բարության և Ներելու հզոր ուժի մասին հեքիաթն, անշուշտ, կջերմացնի հանդիսատեսի սրտերն ու կլցնի խանդավառությամբ: Ամանորյա տրամադրության անկրկնելի տեսարանը ստեղծվել է մի թիմի ջանքերով, որը շոուի մասնակից է դարձրել միայն հայաստանցի տաղանդավոր մարզիկ-գեղասահորդների և բարձրակարգ չմշկորդների:

Մանկուց մեզ ծանոթ հերոսներ ու նոր կերպարներ, բոլորի կողմից սիրված ամանորյա երաժշտություն, վարպետորեն կատարվող պարային համարներ, յուրօրինակ դեկորացիաներ և բեմական էֆեկտներ՝ այս ամենը հիասքանչ սառցե ներկայացման մեջ:

Այս նոր հեքիաթային արկածում Ամանորից ընդամենը մի քանի ժամ առաջ փերիներն ու խաղալիք-կենդանիները փորձում են իրենց բարության ու սիրո շնորհիվ վերադարձնել չար վհուկի կողմից խաթարված կախարդանքը։ Բոլոր հերոսների և Ձմեռ պապի համար գլխավորն ու ակնհայտն այն է, որ ոչ մի մութ ուժ ի վիճակի չէ չեղարկել, խափանել կամ ոչնչացնել Ամանորի գիշերվա դյութանքն ու գեղեցկությունը: Ոչ ոք չի կարող խոչընդոտ լինել կախարդական պարահանդեսը փերիների, հրեշտակների, տոնածառի խաղալիքների, Ձմեռ պապի և Ձյունանուշի հետ հրճվալից անցկացնելուն:

Հրաշքները միշտ շուրջդ են, հատկապես Ամանորի հեքիաթային գիշերը, գլխավորն այն է, որ Սրտից մշտապես ճառագեն Բարություն, Ջերմություն և Ներում:

Նախագծի մեկենաս՝ Նազելի Տերտերյան 

Պրոդյուսեր՝ Զառա Մխեյան

Սցենարի հեղինակ և բեմադրող ռեժիսոր՝ Էմիլ Կարատ

Պարուսույց-բեմադրիչ՝ Դմիտրի Լապշին

Զգեստների դիզայներ՝ Կարինե Դնոյան

APPA-ն ներկայացնում է Հանս Քրիստիան Անդերսենի «Ձյունե թագուհին» անմահ հեքիաթի հիման վրա բեմադրված բացառիկ սառցե շոու ներկայացումը՝ «Ձյունե թագուհու պատմությունը»։

Ներկայացումն արդեն 2-րդ տարին է, ինչ բեմադրվում է Երևանում. պրեմիերան կայացել է անցած տարի, մեծ ոգևորությամբ ընդունվել և սիրվել հանդիսատեսի կողմից՝ գրանցելով աննախադեպ հաջողություն։

Պատմությունը ներկայացնում է փոքրիկ աղջիկ Գերդային, որը որոնում է իր ընկեր Կային՝ գերեվարված Սառցե թագուհու կողմից։

«Ձյունե թագուհու պատմությունը» ոչ միայն բարձրակարգ գեղասահք է և հրաշալի երաժշտություն, այլև շքեղ բեմագրություն։ Հանդիսատեսին սպասում են ամենաժամանակակից տեխնոլոգիաները, բազմաթիվ հատուկ էֆեկտներ և անմոռանալի ամանորյա կախարդական մթնոլորտ։

Ներկայացման ստեղծագործական և տեխնիկական խմբում ներգրավված է ավելի քան 60 մասնագետ։

Հիասքանչ գեղեցկության զգեստները ստեղծվել են դիզայներների մեծ թիմի կողմից՝ դիզայներ և «Ատեքս» նորաձևության կենտրոնի տնօրեն Կարինե Դնոյանի գլխավորությամբ։ Ընդհանուր առմամբ կարվել է ավելի քան 160 զգեստ։ 

Բարու և չարի պայքար, մոգական կերպարներ, հեքիաթային մթնոլորտ և անսպառ էմոցիաներ սպասում են ձեզ այս ներկայացման ընթացքում։

Մասնակցելու են Հայաստանի և Եվրոպայի պրոֆեսիոնալ գեղասահորդները՝ տպավորիչ համարներով, հատուկ պատրաստված զգեստներով և հուզիչ երաժշտությամբ՝ կոմպոզիտոր Էդգար Գյանջումյանի հեղինակությամբ։

Սառցե շոու-ներկայացումը նախատեսված է թե՛ երեխաների, թե՛ մեծահասակների համար։

Տևողությունը՝ 1.5 ժամ

Սկիզբը՝ 19։00

Ամանորյա իրական ԿԱԽԱՐԴԱՆՔԸ կսկսվի հենց այս բեմից։