Փետրվարի 20-ին՝ ժամը 19:00-ին, Կոմիտասի անվան կամերային երաժշտության տանը կկայանա անվանի վրացի դաշնակահար, միջազգային մրցույթների դափնեկիր և մի շարք հեղինակավոր մրցույթների ժյուրիի անդամ Վալերիան Շիուկաշվիլիի առաջին մենահամերգը Երևանում:

Համերգը կազմակերպվում է «Պարոնյան» ընկերության և Կամերային երաժշտության ազգային կենտրոնի նախաձեռնությամբ։

Վալերիան Շիուկաշվիլին հանդիսանում է GENERALBASS Baroque Music International Piano Competition-ի ժյուրիի գլխավոր և մշտական անդամներից մեկը։ Երևանյան այս բացառիկ երեկոն ներկայացնում է Վալերիան Շիուկաշվիլիի նուրբ երաժշտական արվեստը, վիրտուոզ տեխնիկան և խորապես լիրիկական մեկնաբանությունները։ Ծրագիրը ներառում է երեք մեծ կոմպոզիտորների գոհարներ՝ ներկայացված մեկ մենահամերգի մեջ՝ իբրև երաժշտական ճամփորդություն դարերի միջով։

Վալերիան Շիուկաշվիլի. դաշնամուր (Վրաստան)

Դոմենիկո Սկարլատի. Սոնատներ 

Վոլֆգանգ Ամադեուս Մոցարտ. Սոնատ №10 Դո մաժոր

Ֆրեդերիկ Շոպեն. Մազուրկաներ

Վալերիան Շիուկաշվիլին նաև կանցկացնի անվճար վարպետաց դասեր՝ փետրվարի 21-ին և 22-ին Ռոմանոս Մելիքյանի անվան երաժշտական քոլեջում: Վարպետաց դասերին մասնակցելու համար անհրաժեշտ է նախօրոք գրանցվել հետևյալ հղումով՝ www.generalbasscompetition.com/masterclasses կամ զանգահարել նշված հեռախոսահամարով՝ 044 152240:

Սկիզբը՝ 19։00։ 

Մինչև 6 տարեկան երեխաների մուտքն արգելվում է: