30 տարվա դադարից հետո Երևանում կհնչի Յոհաննես Բրամսի «Գերմանական ռեքվիեմ»-ը։

Ապրիլի 20-ին՝ ժամը 19:00-ին, Կոմիտասի անվան կամերային երաժշտության տանը, դիրիժոր Յարոսլավ Բիչկովի ղեկավարությամբ Հայաստանի պետական կամերային նվագախումբը և «Հովեր» պետական կամերային երգչախումբը հանդիսատեսին կներկայացնեն Յոհաննես Բրամսի նշանավոր ստեղծագործությունը՝ «Գերմանական ռեքվիեմ»-ը։

Երևանյան հանդիսատեսը բացառիկ հնարավորություն կունենա ունկնդրելու 19-րդ դարի հոգևոր-խորալային երաժշտության գլուխգործոցներից մեկը։ Գրված 1865–1868 թվականներին՝ կոմպոզիտորի մոր և նրա մտերիմ ընկեր ու ուսուցիչ Ռոբերտ Շումանի մահվան ազդեցությամբ, «Գերմանական ռեքվիեմ»-ը համարվում է Բրամսի ամենախորքային և մարդասիրական ստեղծագործություններից մեկը։ Այն կազմված է յոթ մասից և առաջին անգամ ամբողջական հնչել է 1869 թվականին Լայպցիգում։

Ստեղծագործության առանձնահատկությունն այն է, որ այն գրված է ոչ թե լատիներեն պատարագի տեքստերով, այլ Մարտին Լյութերի գերմաներեն Աստվածաշնչից ընտրված հատվածներով: Յոթ մասից բաղկացած այս լայնածավալ ստեղծագործությունը (մոտ 65–80 րոպե) Բրամսի մարդասիրական խոր մտորումն է կյանքի անցողիկության, ցավի և մխիթարության մասին։ Կոմպոզիտորը նույնիսկ նշել է, որ «գերմանական» բառը սիրով կփոխարիներ «մարդկային»-ով՝ ընդգծելով ստեղծագործության համամարդկային ուղերձը։

- Հայաստանի պետական կամերային նվագախումբ

Գեղարվեստական ղեկավար և գլխավոր դիրիժոր՝ Վահագն Պապյան

- «Հովեր» պետական կամերային երգչախումբ

Երգչախմբավար՝ Սոնա Հովհաննիսյան

Դիրիժոր՝ Յարոսլավ Բիչկով

(Terra Incognita Orchestra-ի հիմնադիր, գեղարվեստական ղեկավար)

Աշոտ Ղանթարջյան. բարիտոն

Նվարդ Հովակիմյան. սոպրանո

Յոհաննես Բրամս. «Գերմանական ռեքվիեմ», Op. 45

• Selig sind, die da Leid tragen (Երանի նրանց, ովքեր սգավոր են)

• Denn alles Fleisch, es ist wie Gras (Քանզի ամեն մարմին նման է խոտի)

• Herr, lehre doch mich (Տեր, սովորեցրու ինձ)

• Wie lieblich sind deine Wohnungen (Որքան սիրելի են Քո բնակարանները)

• Ihr habt nun Traurigkeit (Այժմ դուք տխուր եք)

• Denn wir haben hie keine bleibende Statt (Քանզի մենք այստեղ մնայուն քաղաք չունենք)

• Selig sind die Toten (Երանի մեռելներին)

Մինչև 6 տարեկան երեխաների մուտքն արգելվում է։

Սկիզբը՝ 19:00։

Կազմակերպիչ՝ Կամերային երաժշտության ազգային կենտրոն ՊՈԱԿ