Կամերային երաժշտության ազգային կենտրոնը հուլիսի 18-ին՝ ժամը 20:30-ին, Կոմիտասի անվան կամերային երաժշտության տան զբոսայգու բացօթյա բեմում հրավիրում է Արսեն Պետրոսյան քառյակի համերգին: Համերգի հատուկ հյուրն է բաս դուդուկուկահար Սեսար Վեասը Չիլիից։

• Արսեն Պետրոսյան. դուդուկ

• Աստղիկ Սնեցունց. քանոն

• Վլադիմիր Պապիկյան. սանթուր

• Ավետիս Քեոսեյան. դհոլ, դափ

• Սեսար Վեաս. բաս դուդուկ (Չիլի)

Արսեն Պետրոսյան Քառյակը հիմնադրվել է 2018 թվականին՝ հանրահայտ դուդուկահար Արսեն Պետրոսյանի կողմից, որը համարվում է իր սերնդի հայկական դուդուկի ամենանշանավոր ներկայացուցիչներից մեկը։ Քառյակի ստեղծման հիմնական նպատակը հայկական ավանդական և հոգևոր երաժշտությունը միջազգային լսարանին ներկայացնելն է։ Համույթի երգացանկը ներառում է հայկական հնագույն ու խորհրդավոր երաժշտություն՝ ընդգրկելով Հայաստանի պատմական ժամանակագրության տարբեր դարաշրջաններ և ժանրեր։ Համույթը ելույթ է ունեցել այնպիսի նշանավոր բեմերում, ինչպիսիք են՝ Wiener Konzerthaus (Վիեննա), Salle Cortot (Փարիզ), Concertgebouw Brugge (Բրյուգե), Great Amber (Լիեպայա) և բազմաթիվ այլ հեղինակավոր համերգային հարթակներում։

Ծրագրում՝ հայկական ժողովրդական և հոգևոր երաժշտություն։ 

Սկիզբը՝ 20։30։

Կազմակերպիչ՝ Կամերային երաժշտության ազգային կենտրոն ՊՈԱԿ