Օգոստոսի 11 - «Անտիկվար» Լեռնիկ
Օգոստոսի 14 - Շենքում իրավիճակ ա փոխվել
Օգոստոսի 15 - Լոբոդա
Օգոստոսի 18 - Քշի գնա
Օգոստոսի 20 - Իմ կնոջ անունն է Մորիս
Օգոստոսի 21 - Աշխարհը կլոր է
Օգոստոսի 25 - Մորաքույրը Փարիզից
Սեպտեմբերի 4 - Գյուրջիև և հայ միջնադարյան հոգևոր և ծիսական երաժշտություն
Սեպտեմբերի 6 - Թալինը և ընկերները
Սեպտեմբերի 10 - Բացօթյա համերգ. Խաչատուր Ավետիսյան - 100
Սեպտեմբերի 11 - Բրամս և Չայկովսկի. 2026–2027 համերգաշրջանի բացման համերգ
Սեպտեմբերի 13 - Բացօթյա համերգ. Արցախի պետական ջազ նվագախումբ
Սեպտեմբերի 14 - Հայաստանի փոքրիկ երգիչներ. անգլիական երաժշտության երեկո
Սեպտեմբերի 15 - Երգեհոնային հեքիաթներ. ճամփորդություն երգեհոնի կախարդական աշխարհ
Սեպտեմբերի 16 - Բրամս․ Կրկնակի կոնցերտ
Սեպտեմբերի 18 - ՀՊԿՆ. Ասիայի հյուրախաղերին ընդառաջ
Սեպտեմբերի 18 - The Beautified Project
Հոկտեմբերի 6 - «Բերդ» պարային անսամբլ
Նոյեմբերի 15 - Վերադարձրու ինձ երաժշտությունը
Դեկտեմբերի 27 - Ձյունե թագուհու պատմությունը
Գյուրջիև և հայ միջնադարյան հոգևոր և ծիսական երաժշտություն
2026-09-04
Տոմսերի արժեքը` 3000, 4000, 5000 դրամ
Տոմսերի արժեքը` 3000, 4000, 5000 դրամ
Սեպտեմբերի 4-ին՝ ժամը 19։30-ին, Կոմիտասի անվան կամերային երաժշտության տանը Հայաստանի պետական կամերային երգչախումբը և Գյուրջիև անսամբլը կներկայացնեն «Գյուրջիև և հայ միջնադարյան հոգևոր և ծիսական երաժշտություն» խորագրով համերգը։
Հայաստանի պետական կամերային երգչախմբի գեղարվեստական ղեկավար և գլխավոր դիրիժոր՝ ՀՀ ժողովրդական արտիստ Ռոբերտ Մլքեյան
Գյուրջիև անսամբլի գեղարվեստական ղեկավար և գործիքավորող՝ Լևոն Էսկենյան
Գյուրջիև անսամբլը երևանյան հանդիսատեսին կներկայացնի իր նոր ծրագրի պրեմիերան։ Ծրագիրը միավորում է Գ. Ի. Գյուրջիևի երաժշտությունը, հայ միջնադարյան հոգևոր երգարվեստն ու ծիսական երաժշտական ավանդույթները՝ նոր հնչեղություն ստանալով Լևոն Էսկենյանի նուրբ և ինքնատիպ գործիքավորումներում։
Համերգը նախատեսված է 6 տարեկանից բարձր հանդիսատեսի համար:
Սկիզբը՝ 19:00։
Կազմակերպիչ՝ Կամերային երաժշտության ազգային կենտրոն ՊՈԱԿ
Բացօթյա համերգ. Խաչատուր Ավետիսյան - 100
2026-09-10
Տոմսերի արժեքը` 3000, 5000, 8000, 10000 դրամ
Տոմսերի արժեքը` 3000, 5000, 8000, 10000 դրամ
Սեպտեմբերի 10-ին՝ ժամը 20։00-ին, Կոմիտասի անվան կամերային երաժշտության տան զբոսայգու բացօթյա բեմում տեղի կկայանա համերգ՝ նվիրված 20-րդ դարի հայ երաժշտարվեստի ամենակարկառուն ներկայացուցիչներից մեկի՝ կոմպոզիտոր Խաչատուր Ավետիսյանի 100-ամյակին:
Սիրված կոմպոզիտորի ազգային շնչով, մեղեդային հարստությամբ գրված և մեծ ժողովրդականություն վայելող երգերն ու պարեղանակները կներկայացնեն Հնագույն երաժշտության «Տաղարան» համույթը։
Երեկոյի ընթացքում որպես մենակատարներ հանդես կգան՝
• Վարդան Բադալյանը,
• Արփին,
• Մավր Մկրտչյանը,
• Լուսինե Մարկոսյանը,
• Գայանե Ղամբարյանը,
• Արամո Մամիկոնյանը,
• Մարիաննա Գևորգյանը,
• և Զաքար Քեշիշեանը:
«Տաղարան» համույթի գեղարվեստական ղեկավար և դիրիժոր՝ Սեդրակ Երկանյան:
Համերգն իրականացվում է ՀՀ կրթության, գիտության, մշակույթի և սպորտի նախարարության աջակցությամբ։
Համերգը նախատեսված է 6 տարեկանից բարձր հանդիսատեսի համար:
Սկիզբը՝ 20:00։
Կազմակերպիչ՝ Կամերային երաժշտության ազգային կենտրոն ՊՈԱԿ
Բրամս և Չայկովսկի. 2026–2027 համերգաշրջանի բացման համերգ
2026-09-11
Տոմսերի արժեքը` 3000, 4000, 5000, 7000 դրամ
Տոմսերի արժեքը` 3000, 4000, 5000, 7000 դրամ
Սեպտեմբերի 11-ին՝ ժամը 19:00-ին, սիրով հրավիրում ենք Կոմիտասի անվան կամերային երաժշտության տուն՝ ներկա գտնվելու Հայաստանի պետական կամերային նվագախմբի համերգին և վայելելու Յոհաննես Բրամսի ու Պյոտր Իլյիչ Չայկովսկու ստեղծագործությունները։
Համերգը խորհրդանշական նշանակություն ունի, քանի որ հենց այս երաժշտական երեկոյով կմեկնարկեն և՛ Կամերային երաժշտության ազգային կենտրոնի, և՛ Հայաստանի պետական կամերային նվագախմբի 2026–2027 համերգաշրջանները։
Նվագախմբի գեղարվեստական ղեկավար և գլխավոր դիրիժոր՝ Վահագն Պապյան։
Մենակատար՝ դաշնակահար Արմինե Գրիգորյան
Ծրագրում՝
• Յոհաննես Բրամս. Դաշնամուրային կվինտետ ֆա մինոր, op. 34
• Պյոտր Իլյիչ Չայկովսկի. Սերենադ լարային նվագախմբի համար դո մաժոր, op. 48
Համերգը նախատեսված է 6 տարեկանից բարձր հանդիսատեսի համար:
Սկիզբը՝ 19:00։
Կազմակերպիչ՝ Կամերային երաժշտության ազգային կենտրոն ՊՈԱԿ
Բացօթյա համերգ. Արցախի պետական ջազ նվագախումբ
2026-09-13
Տոմսերի արժեքը` 3000 - 10000 դրամ
Տոմսերի արժեքը` 3000 - 10000 դրամ
Սեպտեմբերի 13-ին՝ ժամը 20։00-ին, Կոմիտասի անվան կամերային երաժշտության տան զբոսայգու բացօթյա բեմում հանդես կգա Արցախի պետական ջազ նվագախումբը:
Ձեզ սպասում է ջազային բարձր տրամադրությամբ և խելահեղ ռիթմերով հագեցած հեղինակային ստեղծագործությունների երեկո:
Նվագախմբի ղեկավար՝ Տիգրան Սուչյան:
Սկիզբը՝ 20։00։
Համերգը նախատեսված է 6 տարեկանից բարձր հանդիսատեսի համար:
Հայաստանի փոքրիկ երգիչներ. անգլիական երաժշտության երեկո
2026-09-14
Տոմսերի արժեքը` 4000, 5000, 7000 դրամ
Տոմսերի արժեքը` 4000, 5000, 7000 դրամ
2026 թվականի սեպտեմբերի 14-ին, ժամը 19:00-ին, Երևանի Կոմիտասի անվան կամերային երաժշտության տանը կկայանա բացառիկ համերգ՝ «Հայաստանի փոքրիկ երգիչներ» երգչախմբի (գեղարվեստական ղեկավար և գլխավոր դիրիժոր՝ Տիգրան Հեքեքյան) և անվանի տավիղահար Ալեքսանդր Բոլդաչովի (Շվեյցարիա) մասնակցությամբ։
Համերգի ընթացքում կհնչեն բրիտանացի աշխարհահռչակ կոմպոզիտորներ Բենջամին Բրիտենի և Գուստավ Հոլսթի ստեղծագործությունները։
Սկիզբը՝ 19։00
Կազմակերպիչ՝ «Հայաստանի փոքրիկ երգիչներ» մանկական ֆիլհարմոնիա ՀՈԱԿ
Երգեհոնային հեքիաթներ. ճամփորդություն երգեհոնի կախարդական աշխարհ
2026-09-15
Տոմսերի արժեքը` 3000, 4000, 5000 դրամ
Տոմսերի արժեքը` 3000, 4000, 5000 դրամ
Սեպտեմբերի 15-ին՝ ժամը 19:00-ին, Կոմիտասի անվան կամերային երաժշտության տանը, տեղի կունենա «Երգեհոնային հեքիաթներ. ճամփորդություն երգեհոնի կախարդական աշխարհ» համերգ-ներկայացումը։
Հանդիսատեսը կբացահայտի երգեհոնային հեքիաթների կախարդական աշխարհը՝ նոր շնչով ու տրամադրությամբ։
Հեքիաթի ձևաչափով և սցենարական հետաքրքիր լուծումներով՝ սիրված դերասանուհի Հասմիկ Վերդյանը խաղերի ու կատակների միջոցով երեխաներին կծանոթացնի երգեհոնի կախարդական աշխարհին՝ վերածելով սովորական երեկոն իսկական երաժշտական հեքիաթի։
Իսկ տաղանդավոր երգեհոնահարուհիներ Լուսինե Հարությունյանն ու Աննա Բակունցը կենդանի կատարումներով երեխաներին կտեղափոխեն երգեհոնի հնչյունների աշխարհ՝ Բախից մինչև Հարի Փոթերի գեղեցիկ մեղեդիներ։ Թզուկի դերում՝ երգեհոնահար Հարություն Թագվորյան։
Երեխաները ոչ միայն կլսեն երաժշտություն, այլև կդառնան պատմության մի մասը՝ մասնակցելով խաղերին ու բացահայտելով, թե ինչպես է երգեհոնը կարողանում խոսել երաժշտության լեզվով։
Սիրելի՛ ծնողներ, բաց մի թողեք այս երաժշտական հանդիպումը. սա բացառիկ հնարավորություն է՝ միավորելու արվեստն ու խաղը, կրթությունն ու զվարճանքը։
Սկիզբը՝ 19։00։
Համերգ-ներկայացումը նախատեսված է 4 տարեկան և բարձր տարիքի երեխաների համար։Կազմակերպիչ՝ Կամերային երաժշտության ազգային կենտրոն ՊՈԱԿ
Հայաստանի պետական կամերային նվագախումբ. Ասիայի հյուրախաղերին ընդառաջ
2026-09-18
Տոմսերի արժեքը` 3000, 4000, 5000, 7000 դրամ
Տոմսերի արժեքը` 3000, 4000, 5000, 7000 դրամ
Սեպտեմբերի 18-ին՝ ժամը 19:00-ին, Կոմիտասի անվան կամերային երաժշտության տանը տեղի կունենա Հայաստանի պետական կամերային նվագախմբի՝ Ասիայի հյուրախաղերին ընդառաջ համերգը։ Համերգը կղեկավարի դիրիժոր, տենոր և համերգի գեղարվեստական ղեկավար Սիփան Օլահը (Միացյալ Թագավորություն)։
Հայաստանյան ունկնդիրը բացառիկ հնարավորություն կունենա ունկնդրելու այն համերգային ծրագիրը, որով նվագախումբը հանդես կգա Ասիայի առաջիկա հյուրախաղերի ընթացքում՝ ներկայացնելով հայկական դասական երաժշտության հարուստ ժառանգությունը։
Մենակատարներ՝
• Շողիկ Թորոսյանը. սոպրանո, Լիբանան
• Կատարինե Հովսեփյանը. դաշնամուր
• Աստղիկ Վարդանյանը. ջութակ
Ծրագրում՝
1-ին մաս
• Էդուարդ Միրզոյան. «Տոնական Վալս»
• Ալեքսանդր Սպենդիարյան. «Երևանյան Էսկիզներ»՝ «Էնզելի», «Երևանյան Էսկիզներ»՝ «Հիջաս», «Այ Վարդ» ռոմանս
• Խաչատուր Ավետիսյան. «Ծաղկած բալենի»
• Առնո Բաբաջանյան. «Արիա վոկալիզ», «Նոկտյուրն», «Վերադարձրու ինձ երաժշտությունը», «Մեր սիրելի Երևան»
• Վաղարշակ Կոտոյան. «Իմ Երևան»
• Արամ Խաչատրյան. «Խաչատրյանա» սյուիտ
2-րդ մաս
• Էդուարդ Գրիգ. «Հոլբերգ սյուիտ» օպուս 40
Փոխադրումները՝ Սիփան Օլահի
Երեկոյի ընթացքում համերգասրահի ցուցասրահում կներկայացվի Ալեքսանդր Սպենդիարյանի ծննդյան 155-ամյակին նվիրված լուսանկարների ցուցահանդեսը՝ Ալեքսանդր Սպենդիարյանի տուն-թանգարանի հավաքածուից։
Սիրով հրավիրում ենք վայելելու հայկական և համաշխարհային դասական երաժշտության լավագույն ստեղծագործությունները և միասին ճանապարհելու Հայաստանի պետական կամերային նվագախմբին՝ մաղթելով հաջող ու հիշարժան հյուրախաղեր։
Համերգը նախատեսված է 6 տարեկանից բարձր հանդիսատեսի համար:
Սկիզբը՝ 19:00։
Կազմակերպիչ՝ Կամերային երաժշտության ազգային կենտրոն ՊՈԱԿ
© «TOMS.AM». SITE CREATED BY IMPRESARIO PRODUCTIONS