Ֆրանսիական Բարոկո. Գրիգոր Առաքելյան
2025-06-06
Տոմսերի արժեքը` 2000, 3000 դրամ
Տոմսերի արժեքը` 2000, 3000 դրամ
Հնագույն երաժշտության «Տաղարան» համույթը ներկայացնում է «Ֆրանսիական Բարոկո. Գրիգոր Առաքելյան» համերգը։
Համույթի գեղարվեստական ղեկավար և դիրիժոր՝ ՀՀ մշակույթի վաստակավոր գործիչ Սեդրակ Երկանյան։
Կհնչեն ֆրանսիական բարոկոյի լավագույն ներկայացուցիչների ստեղծագործությունները:
Ֆրանսիական բարոկոն՝ Ռամո, Կուպերեն, Լյուլի և այլոց երաժշտությամբ, տարբերվում է իր նրբագեղությամբ ու թագավորական շքեղությամբ։ Այս ոճը հազվադեպ է հնչում Հայաստանում։ Համերգի ընթացքում այն կներկայացվի հայկական վիոլայի եզակի հնչողությամբ՝ Գրիգոր Առաքելյանի փայլուն կատարումով։
Գրիգոր Առաքելյան - Կոմպոզիտոր, դիրիժոր, թավքեմանի (հայկական վիոլայի) ստեղծող։ Ստեղծագործում է կոմիտասյան երաժշտական մտածողությամբ։ Նրա մշակումները հնչել են աշխարհի տարբեր բեմերում՝ Փարիզից մինչև Կանադա, Մոնակոյից մինչև Պորտուգալիա։ 2005-ին հիմնադրել է «Օշական» համույթը՝ նվիրված հայկական միջնադարյան երաժշտությանը։
Ծրագիր՝
• Ժոսեֆ Դալ Աբակո. 3 Կապրիս (հայկական վիոլա)
• Ժան Բատիստ Բարիեր. Սոնատ N.1 (հայկական վիոլա, կլավեսին, թավջութակ)
• Ֆրանսուա Կուպերեն. Սյուիտ «Լե Սուլթան»
• Ժան Բատիստ Լյուլի. Սյուիտ «Արմիդա» օպերայից
• Մարին Մառե. Գավոտ «Լյուլի» և «Անուրջ»
• Ժան–ֆիլիպ Ռամո. Սյուիտ «Պլատե» օպերա–բալետից
• Ժան–ֆիլիպ Ռամո. «Լե Սովաժ» («Լե ինդես գալանտես» օպերա-բալետից)
Մենակատար և դիրիժոր՝ Գրիգոր Առաքելյան
Սկիզբը՝ 19։30։
Մինչև 6 տարեկան երեխաների մուտքն արգելվում է:
