Կոմիտասի անվան կամերային երաժշտության տանը հուլիսի 4-ին՝ ժամը 19:30-ին, հնագույն երաժշտության «Տաղարան» համույթը (գեղարվեստական ղեկավար և դիրիժոր՝ ՀՀ մշակույթի վաստակավոր գործիչ Սեդրակ Երկանյան) կներկայացնի՝ «Յ.Ս. Բախ, Գ.Ֆ. Հենդել, Ա. Վիվալդի - Բարոկո երաժշտության երեք տիտաններ» համերգային ծրագիրը:

Երեկոյի ընթացքում կհնչեն երգեհոնի երկու կոնցերտներ և բարոկո դարաշրջանի մեներգային գլուխգործոցներ։ Բարոկոյի հզոր ու շքեղ երաժշտությունը՝ Բախի խստապահանջ ոճով, Հենդելի հուզական խորությամբ և Վիվալդիի լուսավոր թեթևությամբ, կարժևորեն մենակատարների և «Տաղարան» համույթի պրոֆեսիոնալ կատարումները։ Երգեհոնը կլինի այս համերգի առանցքում՝ ներկայացված բացառիկ ծրագրով։

Մենակատարներ՝

Թերեզա Ոսկանյան – երգեհոն

Արմեն Աղաջանյան – երգեհոն

Արամո Մամիկոնյան – տենոր

Գալինա Ցոլակյան –սոպրանո (Միջազգային մրցույթների դափնեկիր)

Վարդ Ենոքյան – սոպրանո

Ծրագիր՝

• Յոհան Սեբաստիան - Բախ Կոնցերտ երգեհոնի և նվագախմբի համար, ռե մինոր, BWV 1059

• Գեորգ Ֆրիդրիխ Հենդել – Կոնցերտ երգեհոնի և նվագախմբի համար, Օպ. 4, No 1, սոլ մինոր

• Անտոնիո Վիվալդի – «Vedrò con mio diletto» («Հուստինոս» օպերայից)

• Անտոնիո Վիվալդի – «Un certo non so che»

• Անտոնիո Կալդարա – «Selve, l’amiche»

• Գեորգ Ֆրիդրիխ Հենդել – «Rejoice» («Մեսիա» օրատորիայից)

• Անտոնիո Վիվալդի – «Armate face» («Հուդիթի հաղթանակը» օրատորիայից) 

Սկիզբը՝ 19:30։

Մինչև 6 տարեկան երեխաների մուտքն արգելվում է: