«Հովեր» պետական կամերային երգչախումբը Երևանի Կոմիտասի անվան պետական կոնսերվատորիայի հետ համատեղ, սեպտեմբերի 23-ին՝ ժամը 19:00-ին, Կոմիտասի անվան կամերային երաժշտության տանը կազմակերպում է համերգ` նվիրված մեծանուն հայ կոմպոզիտոր, ՀԽՍՀ արվեստի վաստակավոր գործիչ, ՀԽՍՀ և ԽՍՀՄ ժողովրդական արտիստ Էդգար Հովհաննիսյանի 95-ամյա տարելիցին: 

Երեկոյի ընթացքում կհնչեն Էդգար Հովհաննիսյանի դաշնամուրային կվինտետը, Սոնատ–էպիտաֆիան` թավջութակի և դաշնամուրի համար, դաշնամուրային պրելուդները, ինչպես նաև` խմբերգեր: 

Համերգին մասնակցում են կոնսերվատորիայի լարային և դաշնամուրային բաժինների ուսանողները, «Կոմիտաս» երգչախումբը (խմբավար` Գայանե Սահակյան) և «Հովեր» պետական կամերային երգչախումբը (խմբավար` Սոնա Հովհաննիսյան): 

«Հովեր» պետական կամերային երգչախմբի աջակիցն է «Կողբ» հիմնադրամը

Սկիզբը՝ 19:00։

Մինչև 6 տարեկան երեխաների մուտքն արգելվում է։