Կոմիտասի անվան կամերային երաժշտության տանը հոկտեմբերի 1-ին՝ ժամը 19:00-ին, Վահագն Ստամբոլցյանի անվան երգեհոնային երաժշտության երրորդ միջազգային փառատոնի շրջանակում տեղի կունենա Փարիզի Աստվածամոր տաճարի տիտղոսավոր երգեհոնահար Վենսան Դյուբուայի (Ֆրանսիա) մենահամերգը:

Միջազգային ասպարեզում ամենահանրաճանաչ երգեհոնահարներից մեկը համարվող, հեղինակավոր փառատոնների մրցանակակիր Վենսան Դյուբուան ունի ակտիվ համերգային կարիերա և ելույթներ է ունենում ամբողջ աշխարհում: Նա որպես մենակատար հրավիրվել է բազմաթիվ հեղինակավոր նվագախմբեր, այդ թվում՝ Լոս Անջելեսի ֆիլհարմոնիկ, Ֆիլադելֆիայի ֆիլհարմոնիկ, Դալլասի սիմֆոնիկ, Հոնկոնգի ֆիլհարմոնիկ, Ռադիո-Ֆրանսիայի ֆիլհարմոնիկ, Ֆրանսիայի ազգային նվագախումբ և Փարիզի անսամբլ, Գրան Կանարիայի ֆիլհարմոնիկ, Ֆրանսիայի կղզիների ազգային նվագախումբ և Բազելի սիմֆոնիկ նվագախումբ, ինչպես նաև մասնակցել է բազմաթիվ միջազգային փառատոների, ինչպիսիք են Վանկուվերի, Բուդապեշտի, Շտուտգարտի, Մոնրեալի, Քեմբրիջի, Լիսաբոնի, Օտտավայի, Դրեզդենի, Մերզեբուրգի փառատոնները:

Ծրագրում՝ «Հարգանքի Տուրք Բախին» 

Յոհան Սեբաստիան Բախ (1685-1750)

- Ֆանտազիա և ֆուգա սոլ մինոր, BWV 542

- Խորալային պրելյուդ «Արթնացեք, ձայնն է մեզ կանչում», BWV 645

- Պրելյուդ և ֆուգա լյա մինոր,  BWV 543

- Խորալային պրելյուդ «Փրկիր ինձ Տեր Աստված», BWV 721

- Պասակալիա և ֆուգա դո մինոր, BWV 582

- Ֆանտազիա սոլ մաժոր, BWV 572

Ֆերենց Լիստ (1809-1883)

- Պրելյուդ և Ֆուգա B.A.C.H թեմայով

Վենսան Դյուբուա

- Իմպրովիզացիա B.A.C.H թեմայով

Սկիզբը՝ 19:00։

Մինչև 6 տարեկան երեխաների մուտքն արգելվում է։