Քլեռ Լանը խոստովանում է, որ իր զարմուհի Մարի-Թերեզ Բուսկեի սպանության հեղինակն ինքն է։ Սակայն այս կինը ոչ մի կերպ չի պատճառաբանում իր հանցանքը։ Պիեսում գործող անձինք երեքն են` Քլեռ Լանը, նրա ամուսինը` Պիեռ Լանը և մի երրորդ կերպար, ում Դյուրասը անվանել է «Հարց տվող»։ Հարցազրույցի ձև կրող այս երկխոսությունները վեր են հառնում մի ամբողջ կյանք։ Դյուրասը թույլ չի տալիս լսող-տեսնողին ձևավորել հիմնավոր կարծիք և, առավել ևս, հիմնավորել այս սպանությունը ըստ այդ կարծիքի։

Մարգրիտ Դյուրասը /1914-1994/ ֆրանսիացի անվանի գրող է, սցենարիստ, դրամատուրգ, կինոռեժիսոր։ Մեզանում Դյուրասն ավելի ճանաչելի է որպես «Հերոսիմա, իմ սեր» ֆիլմի սցենարի հեղինակ (ռեժիսոր` Ալեն Ռենե, 1959թ.)։ Դյուրասն իր ուրույն տեղն ունի ֆրանսիական գրականության մեջ, ունի իրեն հատուկ գրական խոսք ու բանակերտվածք։ 34 վեպերի հեղինակ է։ Համարվում է, որ նրա ամենահայտնի ստեղծագործությունը «Սիրեկանը» պատմվածքն է, որն ընկալվում է որպես ինքնակենսագրական ստեղծագործություն։ Նկարահանվել են ոչ միայն Դյուրասի սցենարները, այլ նաև վեպերը («Ամբարտակ ընդդեմ խաղաղ օվկիանոսի», «Սիրեկանը»)։ Դյուրասն ուներ իր անձնական պատկերացումները, թե ինչպիսին պիտի լինի թատրոնը, կինոն, գրականությունը։ Այս տարի Ֆրանսիայում նշվում է Մարգրիտ Դյուրասի 110-ամյակը։

Դերասաններ՝

Ալլա Սահակյան, Ստեփան Ղամբարյան, Հռիփսիմե Շահինյան

Դերասանների հետ աշխատեց՝ Հռիփսիմե Շահինյանը

Թարգմանությունը՝ Հռիփսիմե Շահինյանի, Նունե Ղարիբյանի

Տևողությունը՝ 1 ժ 20 րոպե

Սկիզբը՝ 19։30

Փոքր դահլիճ

Ստեֆանո Մասսինին իտալացի գրող, դրամատուրգ, էսսեիստ և հեռուստահաղորդավար է: Ծնվել է 1975 թ-ին Ֆլորենցիայում: Որպես դրամատուրգ գրական գործունեությունը սկսել է 2001 թվականին, երբ նոր էր ավարտել Ֆլորենցիայի համալսարանի անտիկ գրականության ֆակուլտետը: 2005 թ-ին որպես օրիգինալ դրամատուրգ արժանացել է «Պրեմիո Տոնդելլի» գրական մրցանակի:

Մասսինիի ամենաճանաչված ստեղծագործություններից է «Յոթ րոպե» պիեսը, որը բեմադրվել է աշխարհի բազմաթիվ հեղինակավոր թատրոններում, այդ թվում նաև «Կոմեդի Ֆրանսեզ» թատրոնում: Այս պիեսի հիման վրա իտալացի հանրահայտ կինոռեժիսոր և դերասան Միկելե Պլաչիդոն նկարահանել է իր համանուն ֆիլմը: 

«Յոթ րոպե» խոշոր միջազգային կորպորացիան գնում է “Picard & Roche” անվանի տեքստիլ ֆաբրիկան: Նոր տերերը, կարծես, մտադիր չեն կրճատումներ անել, ու թվում է, թե աշխատողները կարող են հանգիստ շունչ քաշել։ Բայց... նոր սեփականատերերն ուզում են, որ գործարանային խորհրդի անդամներն ընդունեն նոր աշխատանքային պայմանագրի մի փոքր կետ... Քվեարկության համար սենյակում փակված տասնմեկ կանայք պետք է որոշեն՝ ընդունե՞լ արդյոք ամենօրյա 15 րոպե տևողությամբ ընդմիջման կրճատումը 7 րոպեով: Թվում է, թե 7 րոպեն մի մեծ բան չէ... սակայն որոշումը պիտի կայացվի գործարանի բոլոր 200 աշխատողների համար, և գործարանային խորհրդի լիազորված ներկայացուցիչը միակն է, որ կասկածներ ունի. hամաձայնե՞լ թե ոչ... 

Հեղինակ` Սառա Նալբանդյան

Բեմադրիչ` Նարինե Գրիգորյան

Բեմի ձևավորումը` Վիկտորիա Ռիեդո-Հովհաննիսյանի

Դերակատարներ` 

Նարինե Գրիգորյան, Արման Նավասարդյան, Վարշամ Գևորգյան

«Հաղթանակի գենեզիս» ներկայացման երեք հերոսների պատմությունները ծավալվում են 1990-ականներին, երեք տարբեր վայրերում` Արցախի ամենաթեժ կետերից մեկում, սահմանամերձ մի գյուղում և մութ ու ցուրտ Երևանում` կազմելով երեք միահյուսվող սյուժետային գիծ: Միմյանցից ֆիզիկապես հեռու գտնվող երեխաները, կարծես, երկխոսության մեջ են մտնում, արձագանքում մեկմենկու, կիսում իրենց հոգսերն ու ուրախությունները: Նրանց յուրաքանչյուր պատմություն մի փոքրիկ հաղթանակի արձանագրություն է, հաղթանակ թշնամու, ծանր պայմանների և սեփական վախերի հանդեպ: Մանկական այդ մաքուր ու միամիտ հերուսությունները, կարծես, ազգի գենետիկ կոդի մասն են դարձել` արձանագրելով նրանում հաղթողի հոգեբանության ծնունդը: